Talan er um eitt avbjóðandi og spennandi starv við góðum starvsfeløgum.
Suðuroyar barnaverndartænasta er staðsett á Tvøroyri og umfatar allar 7 kommunurnar í Suðuroynni.
Endamálið hjá Suðuroyar Barnaverndartænastu er at ansa eftir, at børn og ung, sum vegna sosial vandamál liva undir viðurskiftum, ið kunnu skaða teirra vælferð og menning, kunnu fáa ta hjálp, ið er neyðug fyri at greiða støðu teirra.
Barnaverndartænastan arbeiðir sambært lóg um barnavernd.
Arbeiðsuppgávur
- málsviðgerð, kanningararbeiði, samrøður við børn og vaksin
- stuðla og ráðgeva familjum, børnum og ungum við avbjóðingum
- samskipa og samstarva tvørfakliga við aðrar myndugleikar og fakbólkar
- fyrireika mál til viðger í Barnaverndarnevndini
Vit ynskja okkum starvsfólk, sum
- hava góð samskiftis- og samstarvsevni
- eru ábyrgarfull, miðvís og kunnu arbeiða sjálvstøðugt
- eru jalig og duga at síggja loysnir heldur enn forðingar
- tola at arbeiða undir trýsti
- hava yvirlit, rúmlig og megnað at siga frá
- hava góð evni at samskita í skrift og talu
Førleikakrøv
Útbúgvin sosialráðgevi ella aðra viðkomandi miðallanga útbúgving, so sum námsfrøðingur, lærari, sjúkrasystur.
Umsókn
Umsókn saman við prógvum, CV og revsiváttan skal vera Suðuroyar Barnaverndartænastu í hendi í seinasta lagi 14 Apríl kl. 12.00.
Umsókn skal sendast á teldupost Denne e-mail adresse bliver beskyttet mod spambots. Du skal have JavaScript aktiveret for at vise den. ella til,
Suðuroyar Barnaverndartænastu
Sornhúsvegur 22
800 Tvøroyri
Um ikki nóg nógvir kvalifiseraðir umsøkjarar søkja starvið, tilskilar Suðuroyar barnaverndartænasta sær rætt til at søkja av nýggjum.
Løn og setanarviðurskifti
Lønar- og setanarviðurskifti verða eftir sáttmála millum Starvsfelagið og Kommunala arbeiðsgevarafelagið.
Tann, ið sett/ur verður, skal játta, at barnaváttan verður umbiðin. Fyri at verða sett/ur í starv, skal umsøkjarin hava reina barnaváttan.
Nærri upplýsingar
Nærri fæst at vita um starvið við at venda sær til Jónleyg Finnsdóttir, leiðara fyri Suðuroyar barnaverndartænastu, á tlf. 288085 ella 611090.
