Aftur í ár kunnu ungfólk melda seg til verkætlanina »Ung í arbeiði«. Umsøkjarin skal vera fyltur 14 ár 1. juli og ikki 17 ár 01. juli 2023.

Verkætlanin fevnir um ymiskt fyrifallandi arbeiði, ið hevur til endamáls at fríðka um kommununa.

Tað veri seg at gera smáumvælingar, lúka, sópa gøtur, mála, rudda og annað.

Arbeiðið er skipað soleiðis, at tey ungu sleppa til arbeiðis tvær vikur í part, svarandi til 80 tímar.

Tilmelding

Melda teg til við at senda ein teldupost til okkum, við at trýsta á her Tilmelding "Ung í arbeiðið 2023"

• Seinasta freist at melda til er týsdagin 13. juni 2023.
• Umsøkjarar skulu búgva í Sumbiar kommunu.
• Vera fylt/ur 14 ár áðrenn 01.07.2023 og ikki 17 ár 01.07.2023.

Í viku 25 verður kunngjørt hvør hevur fingið tillutað arbeiði.

Arbeiðstíð

Arbeitt verður frá uml. 15. juli 2023, til 31. juli 2023.

Løn

Tey ungu verða sett eftir vanligum setanartreytum.

Lønin er tann sáttmálaavtalaða tímalønin umframt frítíðarløn smb. sáttmála hjá Arbeiðsmannafelagnum Beinisvørð.

Sumbiar Kommuna