Árligi ruddingardagurin verður leygardagin 10.06.2023, eins og tað eisini verður útivika í somu viku.

Skráin fyri útivikuna 05.06.23 – 09.06.23

Møtt verur á Ólafløtti í Sumba og við bygdarhúsið í Lopra hvørt kvøld kl. 18.30, har farið verður gongutúr eystur í Akraberg, (vitjað verður í vitanum um tað ber til).

• Gongutúrur av keiðini í Lopra vestur á Lopranseiðið.
• Bussur avheintar fólk í Sumba, í Lopra og á Økrum, og koyrir niðan á Hestin, har gingið verður oman til Sumbiar ella Lopra.
• Gongutúrur undir bakkanum í Sumba, frá Pollinum og heim eftir.
• Gongutúrur runt Grýting, Kvíggja út í Brekkulið og heim aftur.
• Gongutúrur úr Lopra inn á Núp og aftur.
• Sjódypping í Pollinum og í Ónavík.

Hetta eru bert nøkur uppskot, fólk kunnu sjálvsagt eisini velja sær aðrar túrar.

Tó krevja hesi tiltøk gott/hampiligt veður, so vit mugu bara bíða eftir veðrinum, áðrenn vit fastleggja skránna fyri gongutúrarnar.

Ætlanin er, at tey sum hava hug, koma at spæla Gekk í Samkomuhúsinum fríggjakvøldið 09 juni, og seinni um kvøldið verður “Upp á tá”, har til ber at fáa sær ein drekkamunn.

Skráin fyri ruddingardagin leygardagin 10.06.23

Dagurin byrjar við morgunmati í Samkomuhúsinum og í bygdarhúsinum í Lopra kl. 10.00, har fólk fáa útflýggja posar.

Um viðrar, verður grillin sett á parkeringsplássi uttanfyri Samkomuhúsið aftaná ruddingina, har ein kann grilla sær okkurt.

Um viðrar sunnudagin 11.06, verður gudstænasta úti við minnisvarðan, annars verður gudstænastan í Sumbiar kirkju.

Sumbiar kommuna